भक्तपुरको महेश्वरीमा हुने ११ दिने मेलाको तथारी पुरा

31

भक्तपुर । भक्तपुर नगरपालिका वडा नम्वर ७ महेश्वरी खेल मैदानमा मंसिर १३ गते देखि २३ सम्म हुने मेलाको तयारी पुरा भएको छ । पर्यटन बर्ष २०२० लाई लक्षित गरी ब्यापारिक साँस्कृतिक तथा मनोरञ्जनात्मक खेल मेला, भक्तपुर मेला महोत्सव–२०७६ हुन् लागेको हो ।
ममता केन्द्र नेपालको आयोजनामा हुन् लागेको उक्त मेलाको तयारी पुरा भएको छ । आगामी मंसिर १३ गते देखि २३ गते सम्म मेला साथै सांस्कृतिक कार्यक्रम एवं खेलकुद सप्ताह मा विभिन्न ख्यातिप्राप्त कलाकारहरुले आफ्नो प्रस्तुती राख्ने मेलाका संयोजक संगम लामाले जानकारी दिनुभयो ।
भक्तपुरको जगाती चोक देखि च्यामासिंह मार्गमा रहेको महेश्वरी खेल मैदानमा आगामी मंसिर १३ गते देखि २३ गते सम्म उक्त मेलामा हामीलाई दैनिक आवश्यक पर्ने सम्पूर्ण सामग्रीहरु एकै स्थानमा नै उपलब्ध हुने बताए । महोत्सवमा १५० भन्दा बढि विभिन्न स्टलहरु रहने र ती स्टलहरुमा लताकपडा , खेलकुदाका सामग्री , दैनिक आवश्यकिय सामग्रीहरु विषेश छुटमा उपलब्ध हुने उहाँले जानकारी दिनुभयो । मेलामा २० प्रतिशत देखि ५० प्रतिशत सम्मको छुटको ब्यवस्था समेत रहने अध्यक्ष लामाले जानकारी दिनुभयो । उहाँका अनुसार मैदानमा धमाधम स्टल बनाउने कार्य भई रहेको छ र स्टल बुकिङ खुला रहेको छ ।
यस्तै मेलामा मनोरञ्जनका खेलहरु पनि समाबेश हुने छन् । खेलमा रोटेपिङ, नाउ , ब्रेक डान्स, ड्राइगन, मौतका कुवा, भुत बंगला, मिकी माउस, जम्पीङ, विभिन्न जादु, लगाएतका विभिन्न बाल मनोरञ्जनका सामग्रीहरु समेत सामेल हुने लामाले जानकारी दिनुभयो ।
११ दिन सम्म चल्ने मेलामा दैनिक उपभोग्य हरेक सामान पाउने साथै विभिन्न कलाकारहरुको प्रस्तुती साथै नृत्य प्रतियोगिता साथै कराते प्रतियोगित समेत हुने भएकाले मेला अझ रोमाञ्चक हुने अपेक्षा रहेको आयोजकले जनाएको छ ।
जगाती चोक बाट च्यामासिंह तर्फ सय मिटर नजिक रहेको महेश्वरी खेल मैदानमा हुन लागेको उक्त मेलामा भक्तपुर काभ्रे सिन्दुपाल्चोक दोलखा रामेछाप ललितपुर काठमाडौं लगाएतका जिल्लाबाट अवलोकनकर्ताहरु आउने अपेक्षा राखिएको आयोजकले जनाएको छ ।

LEAVE A REPLY

Please enter your comment!
Please enter your name here