सगरमाथा आरोहण गरेको झुटो दाबी गर्ने भारतीय प्रहरी दम्पती बर्खास्त

125

काठमाडौं। भारतीय प्रहरीले सगरमाथा आरोहण गर्ने भारतकै पहिलो जोडी बनेको झुटो दाबी गर्ने प्रहरी अधिकृत दम्पतीलाई सेवाबाट बर्खास्त गरेको छ ।

दिनेश र तारकेश्वरी राठोर नाम गरेका ती भारतीय प्रहरी अधिकृत दम्पतीले गत वर्ष सफलतापूर्वक सगरमाथा आरोहण गरेको दाबी गर्दै विभिन्न प्रमाण पेस गरेका थिए ।

तर, महाराष्ट्र राज्यको प्रहरीले उनीहरुले फोटोसप प्रविधिको प्रयोग गरी जोडजाड पारिएको तस्वीर तयार गरेको निश्कर्ष निकालेको हो ।

गत वर्ष मे २३ मा सगरमाथाको चुचुरोमा पुगेको उनीहरुको दाबीमाथि अरु आरोहीहरुले प्रश्न उठाएपछि छानबिन अघि बढाइएको थियो ।

यसअघि, नेपालले राठोर दम्पतीको दाबी झुठो भन्दै उनीहरुलाई १० वर्षका लागि पर्वतारोहणमा प्रतिबन्ध लगाइसकेको छ ।

LEAVE A REPLY

Please enter your comment!
Please enter your name here